بالدارجةـــــالقراية في المغرب ــــــالمغربية

حيث هو اللي عارف اللي عنده الباك هو القاري بزاف في المغرب

حيث شحال هاذي كانو اللي كا يشد الباك كـ يديروه ليه في سنية

و يديروا ليه حفلة ... تقول مزوج ولا معاودينو في الختانة

السيستيم كان عندهم قديييييييييم بزاااف ماشي بحال ديال هاد الايام

الدري من نهار اللي ديخل للمدرسة و هو من عطلة للعطلة

عطلة اليوم المدرسي ... عطلة العيد الصغير ... عطلة المسيرة ...

عطلة العيد الكبير ... راس العام ... عايشورا ... المولد النبوي ...

الدورة الاولى ... الدورة الثانية ... الاستقلال ...



العام فيه 365 يوم ... اكثر من النص ديالو كله عطل

بلا ما نزيدو ديك العطلة الجديدة ديالهم

شي حاجة باينة ليا ولا ما نعرف بايبنة ليهم ولا بينية ولا ما نعرف اشنو سميتها

كثرة العطل بلا والي ... ماشي بحال منين قرينا حنا

كتدخل المدرسة و تبدا تقرا تقرا تقرا حتى لـ اخر العام

كانو عندنا 4 العطل ولا خمسة

العيد الصغير ... العيد الكبير ... المسيرة ... راس العام والعطلات ديال نهاية الدورة

كانت عطلة فيها 3 ديال السيمانات و كاين منا اللي كان مسكين كـ يستحلاها

كـ زيد سيمانا رابعة مـ يقفل شهر كـ يولي بحال إلى شدا كونجي د ماطيرنيتي

داكشي علاش الواحد ما عنده ما دير بـ شي قراية

اللهم الصنعة و محاربة الامية و اخا حتى هي ما بقاتش زوينة حيث دخلات ليها مي يطو جارتنا

نهار دخلوها تلاقات مع درس ديال الارقام

هوما يبداو يقراو غير وصلو لـ رقم 11 و هي تبدى تهرنن



- مالكـ أ الحاجة ياكما نجيبو ليك دانون ولا شي بيسكويه ؟؟

واش هادي ديال البيسكويه ؟؟

جيب ليها إلى كاين شي بركوكش ... شي بداز ... شي فتات الشطبة

قاليك دانون و بيسكويه

و هي تبدا تشير بـ صبعها لـ السبورة و ما سكتاتش من البكا

و هي تكسيري

ايييييييييوااااااااا

شفتوا القراية فين وصلاتنا

انا ما بقيتش قاري كاع وما بقيت غادي نزيد نكتب والو

يااااااااالاااااااااه

هكذا غادي نرتاحو كاملين

وحتى دابا كلشي غادي يرتاح حيث صافي سالينا

ايوا كل واحد يمشي حتى لـ مرة اخرى و يرجع

سداااات مادام



يلاااه

السلام عليكم