شريت طونوبيل و تحرقات ليا

بسم الله الرحمان الرحيم

السلام عليكم و رحمة الله و بركاته

و بعد التحية واش ندخل و لانرجع فحالي بباين ليا باغييني ندخل ايوة بلاتي نحيد صباتي باسم الله

ايوة راني كنت جالسة و نفكر و راس عيا ميفكر واخى البارح سيدي مولاي السعيد خلانا بلا عشاء من بعد ملاح ليا فكرة

و عطاني غي شي بطاطا طيبها فوق الفاخر و احد الاكلة ديال دولة الطوغوا للان نسيت سميتها

مبغاتش تتقاد ليا المهم ندخلوا في صلب الموضوع

بغيت نعاود ليكم نهار شريت الطنوبيل

ناري على فرحة مقدها فرحة بغيت نطير (طبعا لو طان عندي الجناح متشدونيش في الارض)

ايوة قلت بلاتي نبقى نتفورما على الجيران حتى انا و نبان وسط الدرب ساعة قال ليك عين الحسود فيها عود

ايوة بديت ناخدها للخدمة و نمشي بها اختكم يالله مبتدأة

توقف ليا في الطريق و الصداع من و رايا و يلي نهار وقفت ليا في الطلعة في الفوروج

و الناس من ورايا كل شئ يكلكصوني

و انا الطنوبيل حلفت بحلوفها لزادت ليا و كل شئ يغوت و انا نزل و خليتها

ايوة واحد النهار قلت بلا تي نمشي فيها للبحر مع الصباح

ايوة درت رجلي باسم الله وانا غاديا مزال موصلتش للبحر كيبان ليا الدخان طالع منها

اويلي اسعدي اش هدشي لي وقع

شوية لقيت الطونيل شعلت فيها العافية و انا ننزل نتفرج فيها عاد جاء واحد الرجل _ واقيلا

الإمبراطور العسكري الله يرحم ليه الوالدين _ يكب التراب عليها

عرفتوا علاش شعلت العافية من نهار شريتها و انا عمري مقلبتها و مشفتش واش خاصها الماء و كل شئ زين

ايوة تفرجت فيها حتى تحرقات و رجعت خفي حنين مضحكوش عليا راه الحسد لي دارها من نهار

شريتها و الجيران تبعيني.

أتمنى أن ينال موضوعي الأول بالدارجة على طريقة سعيد و ياسين إعجابكم .

أنا باغيا ردود زوينة باش نكتب حوايج جداد

مبروك الحرقة عقبال لسيارة جديدة

amine hhhhhhh
mawdou3 zwine ala jasmine wnentadrou ljadide

oui ljadid o mn 3an ga3 a3da2