لـَهْلا يْجـْـعَل صْباحْكُوم بْحَالْ صْباحِي

الحمد الله وحده نحمده ونشكره ونستعين به ونستغفره ونعود بالله من شرور أنفسنا
ومن سيئات أعمالنا
من يهدي الله فلا مضل له ومن يضلل فلا هادية له
أشهد أن لا إله إلا الله وحده لا شريك له
وأشهد أن محمدا عبده ورسوله
صلى الله عليه وسلم وعلى آله وصحبه أجمعين
ومن تبعهم بإحسان إلى يوم الدين

لـَهْلا يْجـْـعَل صْباحْكُوم بْحَالْ صْباحِي Dividers_81

لـَهْلا يْجـْـعَل صْباحْكُوم بْحَالْ صْباحِي Dividers_81

سمعت بأنو في هاد لمنتدى لي بغا يعاود شي لعيبة يعاودها، وأنا نقول مع راسي علاش منعاودش حتا أنا ونفش قلبي، هادي واحد لقصة وقعات ليا واحد الصباح نعاودها ليكوم بحال لخرافـة وراه لي تشفّى يتبلى، فقت فهاداك الصباح بحالي بحال الناس فطرت وخرجت باش نمشي لخدمة أول كمارة شفت هي ديال واحد جارتنا منحوسة وصباحها لاروب ياربي السلامة قلت في خاطري الله يخرج هاد النهار على خير، ما علينا مشيت لبلاكة الطوبيس لقايت بنادم مستف بحال السردين وقفت حتا أنا كنتسنا داز الطوبيس الأول ماوقفش داز الثاني الشيفور جــواد قاع الشيفورات ديال كازا سميتهوم جواد، دار المزيان أو وقف تزاحمت عباد الله وطلعت الطوبيس عامر مكينش فين تعفطت الأوكسجين قل وريحة الصنان عطات، وقفات حدايا واحد لغليضة تكون عندها شي 35 عام زيراتني مع واحد الكرسي مالقايت ماندير قلت اللهم الصبرولا نتصادع معاها،واحد اللحظة الشيفور ضرب واحد لفران كلشي تلاح لقدام بقاو كيغوتو وا الشيفور حشوما مالك علينا وخوكم زارع واحد لمزيكة في ودنيه وممسوقش واحد اللحظة هي تشنق عليا هاديك لغليضة وبدات كتغوت هدا شفر ليا بزطامي أنا بعدا تصدمت قلت ليها وا لمرا نعلي الشيطان را ماديت ليك والو واش باينة عليا حالة شـفار، وعباد الله يفكو وهي والو لصقاتني وقالت ليا زيد معايا للكومسارية ،ها التصبيحة لي صبحت على جارتنا بدات تعطي لفعول ديالها، نزلنا من الطوبيس وقصدنا الكومسارية دخلنا لكوميسير كيبان عليها ضريف قال لينا آش عندكوم نتوما هي تنقز هي قالت ليه هاد الشفار خدا ليا بزطامي قلت ليه والله أشاف ماشفت شي بزطام را كنت غادي لخدمتي حتا تهمتني هاد لمرة بالباطل وهي تنزل عليا بنت الحرام بي واحد مولاتي تصرفيقة يالاه غنردها ليها هو ينطق الشاف أجمع إيديك ألحمار صبرت وقلت في خاطري الله ياخد فيكم الحق، واحد لوقيتة هو يصوني لبورطابل ديالها جاوبات والصوت ديال البورطابل كيتسمع راجلها هو لي كيهضر معاها قال ليها فينك نتي قالت ليه في لكومسارية را واد شفر ليا بزطامي هو يقول ليها
يا هاديك لسخوطة ها بزطامك فوق التلفازة ،وهي تصدم أو وجها تزنك ،شاف قال ليها بزطامك لقيتيه وهاد السيد تهامتيه بالباطل ،قال ليا شنو كتطالب منها قلت ليها حاجة وحدة أشاف نرد ليها التصرفيقة لي عطاتني ،قال ليا من حقك أولدي ،هزيت واحد مولاتي لإيد قد لبالة يالاه غنلاقيها ليها مع وجهها وأنا نسمع لوالــيدة كتغوت وتركل فيا نوض ألعفريت لخدمتك را الثْمنية
هادي وماتبقاش تاكل لمعجون را غانقولها لباك
بدر من الدارالبيضاء
و تانتمنى ترحبو بيا و ماتديروش كيفما دار ليا ياسين في ماروكان.كوف جرا عليا بدون أي سبب
مرحبا بيا في أجمل منتدى عربي وليس مغربي

لـَهْلا يْجـْـعَل صْباحْكُوم بْحَالْ صْباحِي Dividers_81

نتمنى لموضوع يعجبكم
وماديرو في راسكم والو
تحياتي

لـَهْلا يْجـْـعَل صْباحْكُوم بْحَالْ صْباحِي Dividers_81

mar7ba bik fdarak tanya walakin had l5atra 3od kad5ol mambawa9ch rah ana kont ktar manak walakin rah lmodir rah 9asa7 bazaf

سوف أبدأ مما انتهيت يا بدر ظاهرة المعجون أصبحت تغزو المدارس و المعاهد المغربية و تستهدف فئة هامة من مجتمعنا ألا و هي فئة الشباب الذي لا يعرف خطورة هذه المادة التي أعتبرها شخصيا أخطر من الكوكايين و الهروين
مرحبا بيك و ماتبقاش تدير البلبلة في المنتديات و راه السمعة ديالتك و سبقاتك و إلا مامبغاكش ياسين في المنتدى ديالو، فهاد المنتدى هو أصلا ديالك لكن بدون إثارة المشاكل أوكي؟

سبحآآآآن الله

wa chkon srefa9ti ba3da hh

ana metaf9 m3ak akha said ma3reftch bnadem 3lach kayakol lma3joune?merhba bik asat omera mera dreb mjiwnat rah lma3joune khaybe