السلام عليكم ياك كلشي بيخير كلشي مزيان كلشي داب بالحراره ايوا مزيان هادشي لي بغينا ..انا كنت ناسي واحد القضيه .
المهم انا مغاديش نتكلم على هاد الشي انا بغيت نتكلم على الصيف واش كيوقع فيه
الصيف ديما كيكون زاهي ومفركس وفيه النشاط وعباد لله كيرتاحو فيه وكيتمتعو وكيسافرو ويتساراو وهادشي كولو مزيان ماقلنا فيه والو لي بغا يتمتع بصحتو وراحتو شفت فيكم بعين الرحمه
كاين لي كيبغي يدوز العطله ديالو فالبحر بصحتك وراحتك اسيدي ولكن لله يجازيك بيخير
حاول لينا على داك البحير سير وعوم وتبرونزا مع راسك وكن نقيقي شويه ماشي تمشي
ترد لينا البحر مزبله وتجي ......
اياااااه عندك الحق ماشي غير انت بوحدك لي كاترمي الزبل ولكن على الاقل انت مترميش
الزبل ديالك مين تسالي اجمع الزبل ديالك وديرو فميكا وارميه فالطاروات لي دايرينهم ديال الزبل....
ايه انا عارفك غادي تقوليا بلي راهم الناس كيحيدوهوم من بلايصهوم
واخا ايلا مالقيتيهومش خود داك ميكا ديال الزبل واديها معاك حتى يبان ليك الطارو وعاد ارميها فيه... راه عيب وعار اصاحبي وايلي واش بغيتي الناس ديال لهيه يديو علينا نظره خايبه واخا راهم داينها ولكن نحاولو نحيدوها...
صافي اسيدي اتفقنا ايوا عنداك تحشمونا
وانتوما مالكم كضحكو شنو زعما انتوما ماغاديش تدوزو العطله ديالكم فالبحر
صافي راني مكنهضرش معاكم ...راني كنهضر معكم كاملين حتى مع لي غادي يدوز
العطله ديالهم فالجبل او فالباديه او الغابه ......حاولو لينا على الطبيعه ديال بلادنا
راه حنا لي خاصنا نحافظو عليها انا وانت ولاخر ......ومتعولوش على المسؤلين ديالنا يديرو لينا كلشي حتا هوما مساكن لله يكون ليهم فالعون مغاديش يقابلونا غير احنايا
راه عندهم مشاريع ديالهم خاصهم يقابلوها وعندهم ارصده فالبونوك ديال سويسرا
خاصهم يكبروها وعندهم هوايات خاصهم يلعبوها معندهمش غير احنايا باش نعولو عليهم هوما يديرو لينا كلشي
لله يرضي عليكم كاملين
وهانا غادي نمشي نتسارا فالبحر وفالمخيامات ونشوفكم واش قريتو الموضوع ديالي وطبقتوه
تهلاو ليا فراسكم
