هادا واحد كيكدب بزاف، تلاقى مع واحد صاحبو، سولو صاحبو: باش تغديتي؟ قال ليه: بالحوت. ومن بعد عام، تلاقى بهاداك صاحبو نيت وهو يسولو: وا كي داير؟ جاوبو: مقلي
-------------------------------------------------------
هدا وحد لفاسي مكلخ سول صاحبو قال ليه: علاش الورق ديال الشجر كيسقط ف الخريف؟
رد عليه صاحبو قال ليه: حيت ما قرا والو ف الصيف
------------------------------------------------------
هدا واحد تادلاوي طلع للطوبيس وشاف واحد البنت جالسة وعجباتو. ضحك ليها وضحكات ليه. غمز ليها وغمزات ليه. مشى عندها قال ليها نزلي ف البلاكة الجاية. هي نزلات وهو جلس ف بلاصتها.........تحياتي لتادلا ؤناس تادل..حسناء
------------------------------------------------------
واحد مبوق حيد جلابتو وعلقها. شوية وهي تطيح هاديك الجلابة، وهو يقول مع راسو: الحمد لله مللي ما كنتش فيها
------------------------------------------------------
هادا واحد مكلخ ما كيجيهش النعاس. قال ليه واحد صاحبو: أنا عندي ليك واحد الطريقة واعرة غادي تعاونك تنعس، بقى تحسب حتال 500 وغادي يجيك النعاس. خينا مشى ف الليل و بدا كيحسب، غير وصل ل 199 و هو يجيه النعاس، وهو نيت ينوض وغسل وجهو و رجع للناموسية يكمل الحساب.
------------------------------------------------------
هادي واحد المرا سولات راجلها: متكدبش علي تصور مت آش غادي يوقع فيك؟
الراجل: نحماق ونتسطى ألحبيبة ديالي ويخخخرج لي العقل
المرا: و زعما تعاود تزوج وحدة أخرى؟
الراجل: إيوا شوووووفي حماقي شنو غادي يقول لي
------------------------------------------------------ :
