مشرفين، اعضاء و زوار منتدى المغاربة
اليوم جبت ليكم حكاية خرافية غادي نعاودها ليكم على طريقة لاللة فقيهتي
ايوا باسم الله باش نبداو
هذه اول مشاركة ليا فالتقشاب هي الله يستر و صافي و قبلو على ما وجد
كان يا ما كان
في تواخر الزمان
بنت سميتها سحر السوسة
وجها داير كيف الكرموصة
اما صوتها كيزنزن في الودينين بحال الناموسة
انا قلت مع راسي مصاب تضربها شي جاموسة
اولا تكون غادية في الزنقة و تلاقا مع شي كروسة
كانت هاد البنت غاية في الخيوبية
و كيتضرب بها المثل في انحاء العروبية
اشمنك يا نيف يا فم يا وجه بحال الى ضارباها الميزيريا
**************************
و في واحد النهار جات ليها واحد الجنية
باسم الله رحمان الرحيم
و هي تقول ليها آمري و سالي و كل ما تبغيه نقدمو ليك هدية
فرحات البنت و نشطات و حساب ليها دارت مزية
قالت ليها بصوت قوي و بثقة بغيت نولي كي بنت خالتي حورية
يتغناو بيها بجمالها و بزينها و يوليو الخطاب يتلمو عليا
نكون انا هي لاللة البنات و كاملة الاوصاف و ننسى كل ما قالوه ولاد الدوار فيا
تبسمات الجنية و ضحكااات حتى بانت ليها ضرسة العقل و هزات عينيها
قالت ليها جاتك يا بنتي يا سحر تشرطي و امنيتك ما نخليها
و سيفتك هادي تمشي لواحد البنت في قبيلتك انت تعزيها
تاخد حقها من الحكرة و تهز عليك شوية هاد الحالة اللي انت فيها
و حارت في هاد القضية ديك الزغبية
واش تسمح في صاحبتها اللي كانت مونساها ايام العزوبية
ولا تسمح في الفرصة اللي جاتها و تولي هي لاللهم حورية
خممات و فكرات و في الاخير قررات تاخد بلاصتها صاحبتها هنية
فهاد اللحظة بعدما قالت مع راسها موشكيلتي تحللات بسرعة قوية
قالت ليها الجنية يا المزغوبة ياكما تيقتي..راه كنا دايرين ليك الكاميرا الخفية
كون لقيت ليك الجهد كون درت فيك دااابا شراع ايديا
قالت ليك بغات تولي زينة البنات .. واتي نوووضي حيدي عليا
يا بطليموسة يا راس راس القنبلة الذرية
وصافي راه سالات الحلقة و طلعات الاغنية الختامية
تحت عنوان ....
الكـــامـيــرا الـخــفـــيــة
