هاهوما اليوميات دياول الأعضاء جاو تاني ، اليوم اختارينا السي ياڭا باش نفضحوه مسكين واخا عارف غادي نجبد على راسي الصداع لكن ماشي مشكل و الله يخرج هاد الموضوع على خير باش لليوميات ديال وفاء أو سيمو أو زينب أو إيمان أو سيلينا أو ...
ياڭامي كيفما عارفتو عزيزة عليه الرجاء البيضاوي و مايمكنش مايتفرج فالماتش فالتيران.
المباراة على الساعة الثالتة بعد الزوال و هادي ياللاه 8 و هو باقي ناعس
الأم ديالو : نوضو نوض أصكع سير قلب ليك على شي خدمة و باراكا
من النعاس و الشخير سير دير كيف سيادك ما قريتي ما خدمتي
ياڭامي : وا الواليدا سيري تنعسي وهنينا من الصداع را هادي يالله 8 تصباح
الأم : تا نوض تسخر جيب لباك يفطر
ياڭامي : وا ما كتقاضايش أراي الفلوس نجيب السخرة
الأم : وا سير عند البيسري و قوليه قيد تا لتالي ديال الشهر
ياڭامي : وا عرفتي أش غاديري و الله لا تسخرت
الأم : و الله تا نقولها لباك
ياڭامي : وا غير سيري
الأب : واش أتنوض تسخر ولا نديك نربيك فالحبس
ياڭامي : صافي ها هو غادي ( تايخاف متايحشم )
مشا تسخر و جا بالزربة و يقول للواليدا ضبري عليا باش نمشي للتيران
الأم : والو ناشفا ريال ما نكسابوش
ياڭامي : شوف الواليدا هاني غادي نخدم و أتحتاجيني والله ما نعقل عليك ، وسيري ضبري عليا شوفي الواليد يلى عندو
الأم : واخا ، هاك 5 دراهم هيا لي كاينا و الله لا زدتك
ـ الله يهديك ألواليدا لاش أتقد هاد 5 دراهم زيدي زيدي شي باراكا
ـ وا سير قبل لا ناخد ليك تا ديك 5 دراهم
ـ صافي ها هو غادي
مسكين ياڭامي كان خارج و شوية الواليد شافو: ـ أجي نتا فين غادي
ـ راني غير أنمشي نتسخر للواليدا
ـ وا سير أولدي الله يرضي عليك و ما تعطلش
خارج و هو يبان ليا خوه الصغير مضارب مع مع شي برهوش شد خوه قال ليه طلع و شد داك البرهوش عطاه قتلا ديال العصا
بينو و بين التيران 12 كم . كيدير يوصل خاصو 3 ديال الطوبيسات . ما عليناش ركب فالطوبيس الأول سالت و التاني ركب فيه سالت و الثالت شدو المراقب كلا قتلا ديال العصا المهم هو وصل للتيران حي.
10:30 ديال الصباح الورقة ب 20 dh وصاحبنا عندو 5 dh
ـ سيمو ضبر على خوك فشي درهم ...
ضبرو عليه الدراري و جمع 10 دراهم
حاول ينقز باش يدخل للتيران لكن للأسف البوليسي شدو و عطاه قتلا ديال العصا
ـ أه عصام ولد الدرب راه تم واقف
أهلا با عصام ما نلقاش عندك شي 5 دراهم و بلا كدوب
ـ والله ما خبيت عليك أ خويا عرفتي أش غادي دير يالله نجربو واش ندخلو بجوج فورقة
ـ واخا يالله نمشيو
دخل ياڭامي و خلا صاحبو تايكل العسا من عند البوليسي ( هادي هي الصحبها أسي ياڭامي)
11.50
ـ ناري مازل للماتش 3 ديال السوايع
13:30
14:30 وهو كالس تحت الشمس بانو مول السنودويتش
ـ أبشحال داكشي
مول السندويتش : 2 دراهم
ـ هاك درهم هي لي كاينا )
مول السندويتش: ما مسلكانيش
خطف ليه السندويتش و شافو واحد البوليسي و كال الصقل و التبربيق عاوتاني
دخلو اللعابة للتيران تايترينيو و هو يرمي بحجرة جات فواحد البوليسي و يقبطو هلكو تاني عصا
بداية المقابلة ( الجمهور كامل مسخسخ فالطوبيسات و كولشي مسخسخ فالشمس )
سالا الماتش بهزيهم' الفرقة ديالو
ـ كليت العصا و فرقتي خسرات صافي أنرونها
و بدا تايهرس الكراسى و كولشي تبعو و تايهرسو الكراسى ديال التيران كاملين
و خرجو من التيران و بانو ليهوم السيارات تا هما هرسوهوم و تا الماكازات هرسوهوم
و بالتالي رجع ياڭامي لدارهوم فرحان بما أنجز.
هذه هي قصة ياڭامي صديقنا البطل المغوار .
انتظروا يوميات العضوة المتألقة وفاء
