هاى عليكوا يا شباب
كنت بلف لفه كده ولقيت موضوع جامد
هوه عجبنى جدا وياريت الاقى منكم تفاعل
الموضوع عباره عن ايه بقى
انى انا معايا اسئله عن ايام المدرسه
الاسئله دى يجاوب عنها اللى ف مدرسه
واللى فى كليه واللى مخلص كمان هيجاوبوا ويقولوا كانوا بيعملوا ايش
ندخل بقى ع الاسئلة
ايه اخبار المذاكرة هل يا ترى طالب متفوق وبتاكل الكتب بقى وكدة
ولا نص نص , ولا ايه؟؟
كنت بتحب المذاكرة وبتحب تذاكر ولا لا؟؟
ايه اخبار الام بى فور وثرى على ايام زمان ,
يا ترى من هواة الموسيقى وانت رايح وجاى من المدرسة؟؟
ياترى كنت من النوع اللي من البيت للمدرسة والمدرسة للبيت ؟؟
اية اخبار الشعر والتسريحات بقى وكدة؟؟
يا تري كنت رومانسى وكدة ايام المدرسة؟؟
اول مرة تحب فى المدرسة كنت فى سنة كام؟؟
عمرك ارتبطت بواحدة/واحد قوية/قوى ومفترية/مفترى؟
ولو حصل اذكر موقف بالتفصيل؟؟
ايه اخبار التزويغ !
وقولنا موقف من مواقف التزويغ
اخـر مرة اخدت فيها علقه فى المدرسه؟؟
يا تري كنت بتخلص مدرسة وتقعد تلعب قبل ماتروح !؟؟
واذكر موقف كنت بتلعب فية وروحت متعور/متعورة ؟؟
لما بيقعدوا يقولولك قوووم ذاااكر قوووم ذاااكر , بتطنش ولاا بتقوم تذاكر , وقول موقف من مواقف الغصب ع المذاكرة !؟؟
يا تري كان ليك معجبات كدة وتمشي شهريار في الشارع ؟؟
وانتى كان ليكى معجبين يا شهر زاد ؟؟
عمرك وقفت ادام مدرسة بنات انت والشلة؟؟
كنت فى الاغلب يعنى بتروح المدرسة ولا كنت بتكبر وتنام ؟؟
كنت بتحضر الحصص ولا بتزوغ ولا ايه
يعنى لو حصة مش عجباك كنت بتحضرها ولا
وكنت بتزوغ اليوم من اوله ولا فى النص كده ؟؟
كنت بتكون هادى فى الفصل ولا مطلع عين مدرسينك؟؟
واحكيلنا موقف من مواقف الجنان فى الفصل لو فى
كنت مهتم بشكلك وتصحى تقعد تظبط نفسك كده قبل ما تنزل؟؟
ايام الدروس بقا ما احلاها كنت بتروح بقى علشان المذاكرة وكدة ولا علشان تقابل صحابك وتعقدوا ترغوا فى الدرس وفى المشوار رايح جاى؟؟
كان ليك نشاطات كتيرة فى المدرسة ولا مكانش ليك
صحيح قولى اخبار الاذاعه ايه ؟؟
اية اكتر حاجة كنت بتحبها فى المدرسة واكتر حاجة بتكرها ؟؟
معلش بقى يا شباب الاسئله كتير
بس يارب تعجبكم بقى
منتظرة ارائكم
