ازيكم يآآاشباب
سعيد رايح يخطب تعآآلو بقى نشوف ايه
الحوار اللى حصل ...
- منور يا سعيد يا ابنى
* ده نورك يا عمى
- اشرب الفراوله اللى انت عاوزها
* ميرسى
- كنت عاوزنى فى ايه ؟
* يا عمى انا يسعدنى ويشرفنى انى اتقدم واطلب ايد بنتك فتحيه
- والله يا يبنى ده انا اتشرف بس انا معرفش حاجه عنك
* ازاى يا عمى؟ انت مش بتدخل على النت؟ دى قايمه بكل اسماء المواقع اللى انا فيها ممكن حضرتك تسال عنى
- يعنى اسال عليك فى الاماكن دى؟
* طبعا وانا معروف جدا هناك ودى مبتكدبش اسال بس عن البرنس بتاع المنتدى
-
* البرنس ........ انا.... ده مفيش حد على النت ميعرفنيش
- طب يبنى شغلتك ايه؟
* يا عمى انا مشرف على منتدى المغاربة و عامل شغل جامد ع الفايسبوك
- ايوه يعنى بتشتغل ايه؟
* مدير منتدى بتاع النت و مشرف على كل أقسامه
- والله كويس جدا كمبيوتر يعنى
* تقدر تقول كده
- طيب حلو اوى مهندس كمبيوتر شغلانه مشرفه طب ماقلتش ليه كده من الاول؟
* اصلى مش مهندس اصلا انا فى محاسبه
- الله .............طب ما علينا بتشتغل فين؟
* على الكمبيوتر بتاعى
- ايوه يعنى فى شركة ايه؟
* لا تبع نفسى
- وماله الشغل الحر مفيش احسن منه طيب شركتك فين ولا فاتح محل؟
* لا فى البيت عندى عادى
- طيب بتقبض كام؟
* لا يا عمى انا مش بقبض انا بتعامل بالموقع مع كل واحد لوحده يعنى مفيش اسعار ثابته
- طب اخر موقع اخدت فيه كام؟
* لا اخر موقع ده كان لواحد صاحبى دخلت فيه مشرف مجامله
- لا حول ولا قوة الا بالله............ طيب معندكش اى املاك اراضى عمارات اى حاجه يعنى؟
* اه طبعا عندى
- ايوه .......... عندك ايه؟
* منتدى يا عمى
- ده ايه ده بأه ان شاء الله؟
* ده برده على النت بس عندى فيه دلوقتى 14 الف عضو يا عمى
- بيدفعو كام يعنى ؟؟
* لا مش بيدفعوا ده انا اللى نفسى ادى الناس فلوس عشان تشترك
- لا حول ولا قوة الا بالله طب ليه يا سعيد يا ابنى الغرامه دى وعامله ليه؟
* منا هكسب من الاعلانات يا عمى انت مش معايا ولا ايه؟
- حلو اوى المنتدى بتاعك ده يشيل كام اعلان؟
* ممكن لحد عشرين
- طب وبعت الواحد بكام؟
* لا لسه محدش اعلن عندى لسه
- طب يبنى عايش منين ولا بتصرف منين ولا حتى هتعيش بنتى منين؟
* منين ايه بس يا عمى ده انا معايا فيزا محدش فى كفر البطيخ عاملها
- يبنى فيزا ايه بس بقولك هتجيب فلوس منين؟
* من شغلتى والمواقع اللى انا بشرف فيها
- وهى فين دى؟
* منا مديلك لسته بيها هنستعبط؟
- لا يبنى انا مجوزش بنتى لواحد شغلته فى الهوا كده
* هوا ايه بس يا عمى كل المواقع دى على هوستات وواخده رانك كمان انت عارف انا فى خلال سنتين بس......
- انت ياااض
* نعم
- انت عارف لو غمضت عينى وفتحتها ولقيتك قدامى هعمل فيك ايه؟
* ايه؟
- امشى اخرج بره
"يخرج سعيد بره يجرى"
- ماشى يا ست فتحيه جايبالى واحد نصاب والله لاكسرلك الكمبيوتر اللى انتى قاعدالى عليه ليل نهار ده
وهتتجوزى الواد حسن النجار اهو واد كسيب واحنا عارفين دكانه فين وبيكسب كام وعايش منين..........عيال نصابه
ليه كده بس يا سعيد صعبت عليا عشان تفكر تبطل تعمل مقالب في الناس
بتمنى يكون الشغل ده عجبكم
تحياتي زينب مباشرة من كفر البطيخ ـ مصر
