مختفون

في حلقة هدا المساء من مختفون سنتطرق إلى مشاكل الإختفاء المفاجئ للآباء
حمزة هو حالة من الحالات التي تعاني من فقدان الأب والأم
أنا سميتي حمزة كايعيطو ليا جوك دي مارووك الله او أعلم منين جابو ليا هد السمية ولكن ملي كايعيطو ليا بيها كانحس بالمناخر دياولي كايتنفخو او نزيد نضحك اسيادي ماعلينا انا مزيود ف أربعاء التيغدوين ڭمطاطني امي فتيغدوين كنت قبيح ديما كانحبو او نطيح فالبير ايزيدو ايقلبو عليا فين حمزة فين هوا ،راهو فالبير كان عزيز عليا الجران والبخوش مع كونت شي يامات كانبقى فالبير سيمانا جوج كانعيش هير بالجران لي فالبير أحسن أكلة عندي كفتة الحنش اسيدي بدات القصة ديال الإختفاء ملي إختفا جدي حيتاش مشا كيقلب على ولدو حمو لي اختفا حتى هو ،بقينا نغنيو يا دابا ايجي يا الكبيدة دابا ايجي ملي دازت 10 سنوات ولينا كانغنيو لي مشا ما جا المهم اختفى عمي او تبعو جدي او تبعو الواليد او تبعاتو الوليدة عندنا الإختفاء المفاجئ وراثي المهم لي شاف الواليد راه عندو الصلعية ودنيه كبار من راسو عندو تقبة الزين فالجبهة راه فيه 16 لغرزة ف راسو حيتاش كان طاح من الكتبية عندو العينين مخاصمين ملي كان صغير اعين غاديا اليمين والعين الأخرى غاديا اليسار عندو واحد الحنك راڭد ليه ملي كان الوليد ناعس الوليد فاق او الحنك باقي راڭد عندو الراس مقنت عزيز عليه البوب او الفا بلوندي
كايڤيبري ايلا كان كايضحك معا الناس ايلا عطس كايطيح ليه النيف
اللاه ايجازيكوم بيخير لي شاف الواليد ايتاصل بالمنتدى اولا ايتاصل بيا
بابا ايلا كاتشوفني انا راه ولدك العزيز حمزة اجي هير خلص الكريدي لي كايتسالك مول الحانوت او سير اختفي راه مصخوت الوالدين تابعني ڭاليك خلصني ف 2 ديال رايبي او مادلين او ماروخا

jok ach had chi akhoya kkkkkkkkkk

rah mskin b9a fia 3andehom dakshi wirati

hhhhh 3liha kay bane lya gir talef

iwa allah i3fo 3lih mn talfa