دير خير ما يطرا باس مع العجزة

كنت مشحال هادي تنشوف شي شارف و لا شارفة تيبقا فيا و تنحن عليه و نعاونوا و لا نقوليه

شي هدرة زوينة و لا نقوليه واش بغيتي يا عمي نعاونك و لكن هاد الشي خلا دوك الشراف يضصروا

و فوقما تبغي دير معاه شي بليزير (( زعما واجب )) يتقلب عليك و بحال إلى داكشي مجبر أنك

ديروا و تيبقا يخطي فيك من الفوق ، و أكبر مثال جدتي فوقما درت زعما شي حاجة تنفتاخر بها

تتقول هنا فين وصلتك فهامتك يا الضبع يا قليل النفس يا كدا و كدا و الله وخا تهزها فوق ضهرك تسبك

و تبقا عليك يا الحمار متتعرفش تهدر معلماتكش ديك مك الصواب و تتبقا غير تسوط كالثور .. أودي

تتقول مرة كبيرة متديش عليها و تتخرج ، و لكن شي شراف غير الله يحفظ منهم و يدهم سابقا فمهم .

فالجامع جا يصلي واحد الراجل فيه شي مترو مكاملش و متيشوفش قداموا تيجي مع بنتوا و كتعرض ليه

فاش تتسالي الصلاة ، كان جايب واحد البلغة ديال المرابطين قديمة بزاف و حاطها برا ، بغا يلبسها

و مقدرش ، بغيت ندير فيها ولد الناس و نلبسوا وخا رجليه يخخخ و صافي . و كيما تيقولو دير خير

ما يطرا باس ، القرد الآخر هبط عليا بالعكاز تيقول لهم شفار شفار شدوا الشفار راه بغا يسرقني

إيوا تفهام مع هادوا أنت دبا ، بالدراع باش فكوني منوا ... واحد النهار واحد المرا شارفة بزاف غاديا

في الطريق بغيت زعما نعاونها و نقطعها الطريق ، و غير شديت ليها في يدها و هي تبدا شفار شفار

دا ليا البزطام راه مشا ، شدوه شدوه و بقات تدعي فيا سير الله يعطيك شي مصيبة يا الشفار و ولد

الشفارة و جميع أنواع السب و الشتم بسبب التعاطف ديالي و عاوتاني واحد النهار كنت غادي في الشارع

و هو يبان لي واحد الشارف لاحوه مالين دارو مسكين مشلول تيعرف غير يهدر و يسعا ، بقا فيا بزاف

حيت كان باغي يطلع واحد الطلعة في الطريق جاتو صعيبة و أنا نمشي نطلعوا تما ، المسخوط بقا عليا

و بشوية واش متتعرفش تدفع و راك ضرتني و قلت ليه أ عمي راني غير ديار فيك خير و بشوية عليا

أنا راك ضريتني في ودني و بقا تيسب فيا تجمعوا علينا الناس و تقول واش بغا يسكت قالك بغيت نجليه .

و زيد زيد و شحال دوزت مع الشراف لديما معديين عليا و دبا نشوف شي شارف و الله منعقل عليه

و إلى بغاو المسؤولين عليه نرميه فشي دار عجزة و الله حتى نديرها .. حيت راه وليت متشاؤم منهم ..
موضوع هزلي فقط و تهلاو في جدودكم و جداتكم راه حتى نتوما جايين ف الطريق

</STRONG>
</STRONG></STRONG>

للأسف تقاداو أقلام ملونة و معنديش منجرة و كتبت غير بالبيض ، غير قبلوا علا اللي كاين

amalk asaid bayna fik maftartich lyoum

hhh 3rafti said dima mawadi3ak tadahak o zwina o momti3a ana mhoniya men dak nahiya ma3ndich choraf f l3a2ila

hhhhhhhhh wazid 3awnhom

merci
mais rah hla ykhti 3lihom les grand pére ex...

si 3ndak lha9 ch7al men mara tantmana ko kano 3ndi

bla mayb9a fik l7al ila ma3andkch 3tabrina kolna vos grand pére

hhhh nnn said rak sghir bzaf bach tkon mon grand pére

merci wafaa

hadchi likayn asaid

achno li kayn a ismail?

hhh bgha ygolik bli rak charaf hhhhhhh

ana charf w ba9i matzwtch

ach tatsana

kay tsena eli tfahmo

chno galha lik a amine

kan galha lya ch7aal hadi knt bit nzawjo khti sa3a wahda eli kayna tzawjat

hhh

حكمت المحكمة على صاحب الموضوع بالإعدام رميا بالمنجنيق ودلك لعدم كفاية الأدلة
ههههههههه

wa allah yhdik wach ghadi tji f l'été l kech , tans7ak matjich li79ach ghadi nzwjouk b wa7d lbnt 3arftiha mezian

yagami nta 3odw jdid m3ana b7al ila knti 9dim m3ana merci pour reponse continue

rah kay tzewaj gir eli mal9a maydir ama ana 3andi may dar

wawaw hadchi tayfara7 asi amine

chno daba mazal matfahmto diro lina chi 3ares ana bagha n7dar